Nagtutubod si House Majority Leader Sandro Marcos na bako ngunyan an panahon tanganing pag-ulayan an isyu kan Constitutional Convention (Con-con) o Charter Change (Cha-cha) orog na asin pupuonan na kan Kamara an budget deliberation para sa prosopwestong 2026 national budget.
Ginibo ni Marcos an pahayag kasunod kan pagbuhay sa isyu kan Cha-cha asin Con-con. Hurot kan House leader an pagbusisi sa budget kan mga ahensiya kan gobyerno an sarong madugong proseso na kaipuhang pakatutukan.
Sa katunayan pighagad kan Kamara sa Senado na palawigon kan saro pang semana an ulayan sa budget.
Sa sarong interview sinabi ni Marcos mas tatawan ninda nin pokus an pagtalakay sa budget tanganing maipasar an pambansang pondo sa tamang panahon.
Enot ng inihayag ni Rep. Marcos na dae kaini papabayaan na maipasar an budget sa plenaryo kan Kamara na dae naaayon sa National Expenditure Program (NEP).
Inihayag man ni Majority leader na nakapagpadara na sinda nin imbitasyon sa mga ahensiya kan gobyerno para sa nakatalaang budget deliberation.
Sa maabot na Lunes, August 18, 2025 pupuonan na kan Kamara an budget deliberation.
