Pigproklamar ni Presidente Ferdinand Marcos Jr., an Special (Non-Working) Days sa nagkapirang lugar sa nasyon ngunyan na Enero asin Pebrero 2026.
Obheto kan proklamasyon na tawan dalan an pagselebrar kan mga lokal na fiesta asin mga importanteng anibersaryo sa kanya-kanyang lugar.
Ngunyan na Enero 26, 2026, special non-working day sa siyudad kan Cadiz, Negros Occidental komo pagselebrar kan 52nd Dinagsa Festival, susog sa Proclamation No. 1143.
Sa Pebrero 2, 2026, pigdeklarar na special non-working day sa probinsiya kan Ilocos Norte katakod kan 208th Founding Anniversary kan probinsya, sa bisa kan Proclamation No. 1147.
Sa Pebrero 3, 2026, special non-working day naman sa siyudad nin Biñan, Laguna para sa pagselebrar kan 81st Liberation Day, susog sa Proclamation No. 1144.
Sa Pebrero 26, 2026, pigdeklarar na special non-working day sa Banwaan nin Buug, Zamboanga Sibugay para sa Founding Anniversary asin BOG Festival, sa irarom kan Proclamation No. 1145.
