Naglalaom an Malacañang na magdanay na marhay an salud ni dating Presidente Rodrigo Duterte tanganing atubangon an mga akusasyon laban saiya asin maibahagi an saiyang kaaraman manungod sa mga sinasabing krimen na konektado sa drug war kan saiyang administrasyon.
Segun ki Palace Press Officer asin Communications Undersecretary Claire Castro, an mga Pilipino nagmamawot na bumalik an marhay na salud ni Duterte tanganing atubangon niya an mga paratang laban saiya sa International Criminal Court (ICC).
Sinabi man ni Castro na posibleng umako si Duterte sa mga pagdangog manungod sa mga sinasabing plano nin paggadan na ginibo sa ngaran kan kampanya kontra droga.
Ini kasunod kan desisyon kan ICC Trial Chamber III na idineklara si Duterte na “fit to stand trial,” matapos na isikwal an argumento kan depensa na an saiyang memorya asin “cognition” nakakaapekto sa saiyang kakayahan na makilahok sa paglilitis.
Nakatalaan na magpuon an “trial” sa Nobyembre 30 manungod sa mga kasong “crimes against humanity” na isinangat laban sa dating presidente.
