Igwa nin paglilinaw si Palace Press Officer Claire Castro, sa enot kaining pahayag na bukas si Presidente Ferdinand Marcos Jr., na kaulayon an duwang liderato kan Kamara asin Senado mapadapit sa dae kaini pagkakaintindihan.
Sigun ki Palace Press Officer Claire Castro, mayo ining binanggit na nakipagdayalogo an Presidente sa Kongreso mapadapit sa impeachment trial kontra ki Vice President Sara Duterte nin huli ta nagtitinir an posisyon kan Presidente na dae makiaram sa nasambitan ng urulay.
Paglilinaw ni Castro, bukas sana an Presidente na magin tulay sa pagkakasundo kan Kamara asin Senado sa ibang mga bagay o urulay kan mga propwestong ley na igwa nin dae pagkakaintindihan an duwang liderato, alagad sa urulay nin impeachment an dae na man ini makikisawsaw pa.
Naglalaom si Castro na makakaabot an paglilinaw na ini ki Senate President Chiz Escudero nin huli ta nag aayon an Palasyo sa opinyon kaini.
Marurumdumang nagkaigwa nin iriwal an Kongreso sa isyu kan impeachment trial ni VP Sara kan ibalik kan Senado sa Kamara an Articles of Impeachment tangani linawon na ini an legal asin mayong pigbalgar sa Konstitusyon.
