Mayong nahihiling na magigin problema an Palasyo sa implementasyon kan P20/kilong bagas sa mga lugar na dae kaalyado kan administrasyon an nanggana sa kakatapos pa sanang eleksyon.
Pigtawan doon ni Palace Press Officer Atty. Claire Castro na an serbisyo kan gobierno an para sa namamanwaan dawa siisay pa an nailhir na opisyal.
Naglalaoam an Malakanyang na magin bukas an gabos sa pagtataguyod kan programa kan gobyerno para sa mga kababayan.
Marurumdoman, sa Cebu enot pigpatupad an pagpabakal nin baratong bagas nin huli ta suportado kaini an lokal na gobyerno duman.
Katakod digde, pig-anunsyar ni Castro na kasuudma, Mayo 14, 2025 na nagpoon na man an pagpapabakal nin P20 na bagas sa Metro Manila sa paagi kan Kadiwa Centers.
Saaga man soboot, magigin available na man ini sa iba pang Kadiwa Centers sa pirang probinsya partikularmente sa Bulacan, Cavite, Mindoro, asin Rizal.
