Nangapudan nin pagigin kalmdo an Malacañang sa tahaw kan pagkwestiyon kan publiko na mayo pang napapanimbag an mga imbwelto sa katiwalian sa flood control projects.
Sigun ki Palace Press Officer Atty. Claire Castro, dae pwedeng madalion an imbestigasyon huli ta kaipuhan na masierto na pusog an mga ebidensyang ihahampang tananing magtindog sa korte an mga kasong isusunad.
Pigtawan duon pa ni Castro na maski gurano kadakol an mga kaso, mababalewala ini kun mababasura sana huli sa kakulangan sa ebidensya.
Dapat soboot na pabayaan na tapuson kan Independent Commission for Infrastructure an pagkolektar nin mga dokumento tanganing magin pusog an mga kaso kontra sa mga tiwaling opisyal.
Pigsierto man kan Malacañang na pursigido an gobierno na panimbagon an mga imbwelto sa paglustay nin pondo kan taumbayan alagad sa paagi na siertong matrayumpo sa korte.
