Pigpahimutikan kan Malacañang an nagluwas na report na hahalion sa puwesto si Department of Education (DepEd) Secretary Sonny Angara asin Department of Information Communication Technology (DICT) Secretary Henry Aguda.
Sinaysay ni Palace press officer Claire Castro na an duwang sekretaryo nag-atendir pa kan Martes sa meeting kan Legislative-Executive Development Advisory Council sa Malacañang.
Pigtawan duon pa ni Castro na nahihiling pa ngunyan kan Presidente na nagtatrabaho nin marhay an saiyang mga gabinete.
Pigpahimutikan man ni Castro an isyu na igwa nin balasahan sa gabinete kan Presidente.
Marurumduman kan mga nakalihis na bulan nagkaigwa nin pagbalasa sa gabinete kan Presidente huli sa pigbali an mga ini sa anomalya sa mga flood control projects.
