Kumpiyansa an Malacañang na bilog pa an suporta kan mga lehislador ki Presidente Ferdinand Marcos Jr., sa ibong kan planong pagsusunad nin impeachment complaint kontra sa saiya.
Sigun ki Palace Press Officer Usec. Claire Castro, mayong ginibong sala an Presidente asin dae ini imbwelto sa anumang anomalya, kaya mayo soboot rason tanganing talikudan ini kan mga miyembro kan Kamara.
Pigtawan duon pa ni Castro na si Presidente Marcos pa an enot na nagbuyagyag kan mga katiwalian asin malinaw an direktiba kaini na papanimbagon an mga imbwelto maski isay pa an tamaan.
Nagpadangog man si Castro na mayong“Mary Grace Piattos” si Presidente Marcos asin mayong pigtatago asin kinatatakutang isyu.
Dugang pa kaini, seryoso an President sa pagbabantay sa kaban ng bayan, rason kun tano personal kaining pinangenotan an masusing pagbusisi sa 2026 national budget asin naglatag nin mahihigot na panundunan sa pagluluwas nin pondo tanganing malikayan an katiwalian.
Pigpahayag pa ni Castro na sigun sa sarong Kongresista, mga kaalyado asin tagasuporta kan pamilya Duterte an nasa likod kan planong impeachment complaint kontra sa Punong Ehekutibo.
