Inapod na fake news kan Palasyo kan Malakanyang an naireport na igwang P1.7 trilyong pisong nawara sa Philippine Stock Market huli sa mga isyu kan korapsiyon sa nasyon.
Sigun ki Special Assistant to the President for Investment and Economic Afffairs Secretary Frederick Go na nagkaulay sinda ni SEC Chairman Francis Lim asin kinumpirmar mismo kaini sa saiya na biktima si Lim kan fake news sa social media.
Nagluwas kaya si Lim nin sarong pahayag asin binaggit kaini an P1.7 trilyong pisong pagkalugi sobot kan nasyon sa stock market, na saiya palan na ibinase sa nabasa sana sa social medaia post.
Paliwanag ni Go, na bakong 12% an nawara sa shares index sa nasyon puon Agosto 11 hasta 29 kundi sa 1.5 sana.
Sigun ki Go, madali man soboot ining maverify asin aram ini kan gabos kan nasa financial market.
Dae nagtutubod si Go na igwang nawarang investment pledges sa nasyon o may mga investor na nag-atras sa pamumuhunan.
Sa katunayan, padagos sindang naglalaog nin puhunansa nasyon.
Inako man ni Go na igwa soboot nagkapira sa mga investor an napapaisip sa pagbulos nin puhunan kun igwang mga isyung pigkakahampang an nasyon.
Inihayag ni Go na kumpiyansa soboot an economic team kan administrasyon na kun naresolbar an mga isyung ini an ipagpapadagos pa man an saindang pamumuhunan sa Pilipinas.
