Dae na soboot ikinakilhag ni Presidente Ferdinand Marcos Jr. an nagin tuyaw ni Vice President Sara Duterte sa foreign policy kan administrasyon.
Sa rally sa Australia, kinuwestyon kan bise presidente an foreign policy kan administrasyong Marcos.
Dapat magkaigwa nin independent foreign policy imbes na kumikiling sa Estados Unidos na nahiling soboot sa rulay kan West Philippine Sea.
An tinutukoy ni Duterte iyo an Typhon missile system gikan sa Amerika na idineploy sa Pilipinas kan enot na parte kan 2025.
Ginamit ini sa Balikatan exercise sa pag ultanan kan Armed Forces of the Philippines asin US Armed Forces.
Alagad sigun ki Palace Press Officer Claire Castro, sinaysay ni Presidente na nasasabi kan mga Duterte an siring na pahayag nin huli ta pro-China a mga ini.
Taliwas soboot an saindang posisyon ki PBBM na pro-Philippines.
Enot nang kinontra kan think tank na Stratbase an banat ni VP Sara sa pagsasabing mayong pigsusurugan an Pilipinas imbes, pinaiiral kan administrasyon an “principled diplomacy” asin rules-based approach.
