Nilinaw ni Special Assistant to the President for Investment and Economic Affairs Frederick Go na bakong Pilipinas an mabayad kan 19% tariff rae sa Amerika para sa mga produktong i-export kan nasyon sa US.
Sigun ki Sec Go na Amerika an mabayad kan buwis o taripa para sa mga produkto na inimport ninda gikan sa nasyon.
Panduwa soboot ini sa pinakahababa kasunod kan Singapore kaya piglalaomang magigin preference kan mga dayuhang investors an Pilipinas tanganing digde maipatindog an saindang negosyo.
Dugang pa ni Go na dae pa tapos o pinal an negosasyon ninda sa US Trade representatives kan Amerika.
Isasapinal pa soboot kan 3rd technical working group sa saindang counterpart sa US an iba pang kaipuhan na arrangements asin kadakol pang dapat pag-ulayan.
