Nagsayuma na muna magtao nin pahayag an Palasyo kan Malakanyang katakod sa “Pardon” na posibleng itao sa Pinay drug mule convict na si Mary Jane Veloso.
Segun ki Executive Secretary Lucas Bersamin na sa ngunyan an prayoridad ni Presidente Ferdinand Marcos Jr., iyo an pagbabalik sa nasyon ni Veloso na nakakulong sa nasyon na Indonesia.
Sinabi ni Bersamin na mayo pa sindang masabi manungod sa posibleng pardon na itatao ni Presidente Marcos. Enot naman na pighayag kan Department of Foreign Affairs na saaga an nakatalaan na pagbalik sa nasyon ni Veloso.
Segun pa ki Foreign Affairs USec. Tess Lazaro, alas-12:50 nin mag oomagahon na aldaw nin Miyerkules an flight ni Veloso asin bandang alas-6:00 nin aga maabot ini nin nasyon.
Labi man na nagpasalamat an Pilipinas sa Indonesia dapit sa pagtugot kaini na itao an kustodiya ni Veloso sa nasyon.
Sinabi ni Bersamin an pagbabalik bansa ni Veloso kawsa kan dekada nin pag urulay, konsultasyon asin diplomasiya. Dagdag pa ni Bersamin pig kaogma kan Marcos administration an pagbabalik bansa ni Mary Jane.
