Pigsierto kan Malakanyang na mayong mangyayari na paglangkaw sa presyo kan mga de latang sardinas.
Sigun ki Palace Press Officer USec. Claire Castro basado sa pakikipagkoordinar ninda sa Dept of Trade and Industry (DTI).
Sinaysay ni Castro sa nagin pag ulay ni DTI Secretaru Maria cristina Roque na an mga naggigibo kan sardinas sa nasyon asin man nagkasundo na dae ninda ilalangkaw an presyo kan de latang sardinas.
Basado soboot sa napagkasunduan, matinir sa 21 pesos an suggested retail price sa kada 155 grams na lata kan sardinas.
Sigun ki Castro kan nakalihis na bulan, may report an philippine statistics authority o PSA na igwa man na goods na nagbababa an presyo asin dae na man gabos, nagmamahal.
Aminado si Castro na may paglangkaw sa presyo nin manok asin urig, kaya makikipagkoordinar an Palasyo sa Department of Agriculture tangani aramon kun gurano an prevailing price ngunyan kan mga ini.
