Sinugo ni President Ferdinand Marcos Jr., an Department of Health (DOH) na pakarhayon an saindang records asin trabaho.
Ini makalihis na maipaabot sa Presidente an sarong bilyong pisong pondo kan ahensiya na dae soboot namamanehar nin marhay huli sa mga dae nabayadang claims kan mga ospital asin huli sa dae soboot tamang pagmamanehar sa saindang medical supplies kaibahan an nagpasong mga bulong.
Sigun ki Palace Press Officer USec. Claire Castro na nakaulay kaini an pamayuhan kan DOH asin pigsierto sa Palasyo na pigpapakarhay na an saindang mga dokumento asin trabaho.
Sinaysay soboot kan DOH, na kadakol man kayang mga ospital an dae nakapagsumiter nin mga kaipuhang dokumento sa tamang oras para sa saindang claims.
Huli digde, ipinagsugo soboot ni Presidente Marcos na palawigon pa nin 120 aldaw an period of processing o an panahon tanganing makapag-proseso asin makapagsumiter nin mga dokumento an mga ospital para sa claims.
Pigsierto man kan DOH na tulos babayadan an pigsisingil na claims kan mga ospital basta makumpleto kan mgabini an mga kaipuhang dokumento.
