Ipinahayag kan nasyong Malaysia an saindang bilog na suporta sa Pilipinas tanganing labi pang mapauswag an halal industry sa nasyon.
Sigun ki Malaysian Ambassador to the Philippines Dato’ Abdul Malik Melvin Castelino, nahihiling kaini an dakulang potensiyal kan Pilipinas na magin sarong premium halal gateway sa bilog na rehiyon ka South East Asia.
Nagtutubod ining kayang abuton kan Pilipinas an posisyong ini sa paagi kan pagtatarabangan asin pagpapahigot kan halal industry.
Dugang pa ni Ambassador Celestino, bako sanang kadakol halal investor an meenkaminar na mamuhunan sa Pilipinas huli sa pag-uswag na ini, kundi posibleng makakriar man ini nin mas kadakol trabaho para sa mga Pilipino.
An pag-uswag kan halal industry an piglalaomang magbubukas kan kadakol na oportunidad sa trabaho sa manlaen-laen na sektor.
Target kan gobyerno kan Pilipinas na makakua nin mas kadakol na pamumuhunan sa halal industry.
An ambisyosong plano na ini an obhetong maabot an pigkakarkulong 7.9 trillion dollars na kantidad kan pamumuhunan pag-abot kan taong-2028.
