Naikurit naman an Malaysia nin premirong kaso kan mpox clade II variant ngonian na taon.
An positibong pasyente sarong lalaki na may histroya nin pagbiyahe pirang semana antes nakamati nin mga sintomas kan mpox.
Kan Setyembre-11, an pasyente nagpoon na makamati nin mga sintomas siring kan kalintura, kulog nin tulak, ubo, asin mga kulog nin kalamnan. Tulos ining dinara sa ospital kan suminunod na aldaw pagkatapos na magluwas an rashes. Ini an pinakaenot na kaso kan mpox clade II variant ngonian na taon sa Malaysia. Alagad, kan nakalihis na taon igwa nang sarong pasyente na kumpirmado/positibo sa siring na helang.
Agosto 14 kan an World Health Organization (WHO) nagdeklarar kan mpox komo sarong public health emergency of international concern makalihis na madiskobre an marikas na paglakop kan helang.
Dawa ini an enot na nagkuriyat sa mga nasyon sa Africa, kadakol na mga teritoryo an nakarekord kaini siring kan mga nasyon sa Europa asin Southeast Asian nations.
