NAGA CITY- Sugatan ang isang mangingisda matapos aksidenteng masabugan ng pampasabog habang nagingisda sa karagatang sakop ng Brgy Sinag, Calauag Quezon.
Kinilala ang biktima na si Orlando Valles, 34-anyos.
Sa nakalap na impormasyon ng Bombo Radyo Naga mula sa Quezon Police Provincial Office (QPPO), nabatid na nasangkot sa iligal na pangingisda si Valles nang biglang sumabog ang hawak nitong improvise explosive o mas kilala sa local term na bigas-bigas.
Tinamaan ang biktima sa katawan na agad namang itinakbo sa Magsaysay Memorial District Hospital.
Sa ngayon, nagpapatuloy pa ang imbestigasyon ng mga otoridad hinggil sa nasabing insidente.
