NAGA CITY- Pigbubusol sa Sangguniang Panlalawigan kan probinsiya nin Camarines Sur an mangrove ordinance.
Sa nagin paghampang sa mga kagawad kan media ni Donna Oñate, Board Member kan ika-limang distrito kan Camarines Sur, sinaysay kaini na sa paagi kan nasambitan ng ordinansa na igwang titulong The Mangrove Protection and Conservation Ordinance of the Province of Camarines Sur, pigdedesignar an nasa 4,747.54 hectares kan mangrove ecosystems komo Provincial Mangrove Conservation and Management Zones.
Sigun pa sa opisyal, sa irarom kan ordinansa dae pwedeng halion, i-transport, magbungkal nin basta-basta asin ipinagbabawal man an magputol kan mga ini siringman an pagkundusir nin manlaen-laen na aktibidad sa palibot kan mangrove protective areas.
Apwera digde, kaipuhan na maghagad nin permiso gikan sa Provincial Government kun kinakaipuhan na magsagibo nin activities.
Mientrastanto, obheto pa kan nasambitan ng lakdang na maproteheran an mga baybayon asin mga tawo sa labing pagbaha na kawsa kan pagbungkaras kan mga kalamidad.
Pigtawan duon ni Oñate na mas magayon man giraray na natural an proteksyon kan mga tawo kun kaya kaipuhan soboot na maitulod an nasambitan ng ordinansa.
Sa ngunyan, an nasambitan ng mangrove ordinance nakalusot na sa ikatolong pagbasa sa regular na session kan Sangguniang Panlalawigan asin pighahalat na sana na ma-i-publicize ini.
