NAGA CITY- Ikinamundo kan manhameinto kan 9th Infantry Division (ID), Philippine Army (PA) an nangyaring suboot panghaharass kan mga pinagtutubudang rebeldeng New People’s Army (NPA) sa banwaan nin Labo, Camarines Norte.
Sa pakikipag-olay kan Bombo Radyo Naga ki Col. Paul Regencia, tagapagataram kan 9ID, sinaysay kaini na namumundo siya sa nasambitan nang pangyayari huli ta an makatabang man sana sa namamanwaan an saindang obheto sa pagpasiring sa lugar alagad ito pa an ibinalos kan mga rebelde.
Segun sa opisyal, sa ngonian, nasa marhay nang kamugtakan si PFC Dominic Sanglay na tinamaan kan magpauran nin bala an mga rebelde.
Sa ibong kaini, pigsierto man kan opisyal na mapadagos man giraray an saindang gigibuhon na mahigot na operasyon tangani na masierto an seguridad kan mga namamanwaan
