NAGA CITY – Pigkondusir sa Goa Central School an manlaen-laen na aktibidad katakod kan pagselebrar kan National Children’s Month.
Sa entrevista kan Bombo Radyo Naga ki Oscar Parola, Principal – Goa Central School, pigsaysay kaini na kan nakalihis na Nobyembre 8, 2024 nagkaigwa na man soboot an saindang eskwelahan nin symposium para sa mga kaakian kun saen an Supreme Elementary Learners Government an naggibo nin inisyatibo na maikundusir an nasambitan ng aktibidad.
Nagkaigwang mga resource speakers asin nagin topic an “school as a second home”, “anti-bullying act”, asin para man sa mga kaakian na babae yaon man an topic na “let’s talk about mens” kun saen pig-discuss kun pano kaini aatamanon an sainda man na mga sadiri dara kan pagbabago orog na sa mga grade 4-6.
Katakod pa digde, magayon soboot an nagin resulta kan nasambitan ng mga aktibidad huli ta ini parte kan edukasyon kan mga kaakian.
Dugang pa ni Parola nagkaigwa pa nin vaccination an saidang eskwelahan sa irarom kan pamamayo ni Mayor Pedong Gonzaga III, asin an gabos na opisyales kan Sangguniang Bayan kan Goa huli ta obheto kan mga ini an pagpa-uswag kan edukasyon kan nasambitan ng banwaan.
Mientrastanto, nagkaigwa man nin selebrasyon kan nakalihis na Biyernes, Nobyembre 22, 2024 an nasambitan ng eskwelahan kan Buwan ng Pagbasa kun saen nagkaigwa man nin manlaen-laen na paagi kan pagbasa an mga estudyante.
