Naga City – Dakula an nagin tabang kan manlaen-laen na kagamitan gikan sa basura sa ciudad nin Naga.
Sa entrevista kan Bombo Radyo Naga ki Shiela Racadag, Head of Recycling and upcycling product kan SWMO-Naga, pigsaysay kaini na nagpupuon na soboot sinda maggibo nin mga recycled parol na gikan sa mga plastic bottles asin christmas tree na gikan man sa coconut fiber siring kan ubak nin buko asin iba pa na pwedeng mapakinabangan.
Dugang pa man ni Racadag na Setyembre pa sana nagdidisplay na sinda kan saindang mga produkto enot na man diyan an mga burak na gikan pa man sa mga recycled materials asin pigsunod na man kaini an mga pang Disyembre na mga produkto.
Pigsaysay pa man kan opisyal na marekas maubos asin mabenta soboot an saindang paninda maski man ngani pigsabi kaining boluntaryo sana udok man sa boot an nagbabarakal na iyo man an piggagamit tanganing makabakal nin materyales.
Pigtawan duon pa man kan opisyal na bako sana man taga ciudad nin Naga an nagbibisita sainda kundi pati na man pagtaraid na lugar kaini.
Pigsaysay pa man ki Racadag, coconut balls asin balloon balls an saindang mga bagong produkto na bago sa mata kan mga parabakal, ini gikan pa man giraray sa mga nasambitan ng recycled materials.
Mientrastanto, nag-iimbitar man an opisyal sa mga mawot na magbisita asin maghiling kan saindang product open soboot sinda alas 8 nin pagkaaga hasta ala-5 nin pagkahapon, asin man ngunyan na papaabuton nin December bukas sinda alas 8 nin pagkaaga hasta alas-9 nin pagkabanggi.
