NAGA CITY – Padagos an pagkundusir nin anti-rabies vaccination kan Municipal Agriculture Office kan San Fernando sa saindang banwaan.
Sa entrevista kan Bombo Radyo Naga ki Allan Salvador Head kan Municipal Agriculture Office kan Lgu San Fernando, sinaysay kaini na nagpuon an saindang pagbabakuna sa mga atamang Ido o Ikos sa Barangay Bonifacio sa Poblacion asin igwa naman mga schedule para sa iba pang mga barangay.
Sigun ki Salvador, obheto kan programa na mailikay an publiko sa rabies na dara kan mga dae bakunado na mga hayop siring kan Ido asin Ikos.
Katakod kaini, padagos soboot an saindang pakikipag-koordinar sa mga barangay officials tanganing matawan sinda nin asistensiya asin maaraman kan mga tawo na igwa sindang piggigibong pagbabakuna sa mga Ido o Ikos.
Liwat man na pigpaliwanag kan opisyal na an saindang pagbabakuna an madepende sa suplay kaini orog na ta kadikit sana man an pondo sa presente para sa mga vaccine.
Kun ikukumparar soboot dati na igwa sindang narereseber man na tabang sa iba orog na sa mga piggagamit na bakuna para sa mga Ido.
Mientrastanto, pigpatanidan man ni Salvador an mga pet owners na magin responsable sa saindang mga ataman na hayop asin kun dae soboot kayang atamanon an dae na sana magpurbar pa nin huli ta posible ining mapuli sa mas dakula pang problema.
Sa ngunyan, hagad na sana ni Salvador an kooperasyon kan publiko orog na sa saindang pigkukundusir na massive anti-rabieds vaccination sa saindang lugar.
