PIGPALIWANAG ni AGAP Partylist Rep. Nicanor ‘Nikki’ Briones, an manungod sa ulayan sa imported na bagas na base sa Executive Order 62, pigbaba ni Presidente Ferdinand ‘Bongbong’ Marcos Jr., an taripa buhat sa 35% to 15% asin nagbaba ini nin 20% huli sa kamawotan kaining maibaba an presyo kan bagas alagad an nagin resulta dae man nagbago an presyo kaini sa merkado.
Sigun ki Briones, na malinaw na igwang nagsasamantala asin igwang nagkikita igde na dapat nasa P41 to P45 per kilo sana an bagas huli sa pagbaba kan taripa sa bagas.
Tahasan man sinasay kan Department of Agriculture (DA) na an nakikinabang digde an mga importe o traders asin bako an mga consumer na naglalaom na mababa an presyo kan bagas.
Asin naapektaran an an mga palay farmers huli man ta nawaraan nin P12 billion na revenue an gobyerno na dapat magigin pang suporta, ayuda asin pampagibo kan kaipuhan kan mga paraoma nin paroy.
Sigun ki Agap Rep., na huli man ta dae nakinabang an mga consumer pigmungkahi kainin idagos na an pagre-review asin tulos bawion an pagbaba kan taripa asin ibwelta sa 35% nin importasyon kan bagas asin tamang tama igwang maabot na anihan kun ibaba an taripa mababa na an presyo kan bagas sa merkado asin sa international market asin dae na mapagsasamantalahan kan mga importer.
