Sinugo ni Presidente Ferdinand Marcos Jr si Department of Public Works and Highways (DPWH) Secretary Vince Dizon, na magsagibo nin inspeksiyon sa Kalayaan Island Group (KIG) sa West Philippine Sea.
An nasambitan ng direktiba an kasunod kan pagbubukas kan Kalayaan Municipal Tourism Office nin mga tour packages ngunyan na bulan.
Obheto kan presidente na mahiling kan sekretaryo an posibilidad kan pagpapatindog kan mga palupadan asin pantalan tanganing mapagayon pa lalo an turismo sa lugar.
Kinumpirmar ni Presidential Communications Undersecretary Claire Castro, na nakaulay kan Presidente an sekretaryo dapit sa nasambitan ng ulayan.
An munisipalidad kan Kalayaan an pigbilog huli sa KIG sa irarom kan probinsiya kan Palawan sa paagi kan Presidential decree na iniluwas kaidto ni dating Presidente Ferdinand Marcos Sr taong-1978.
