Pigpasalamatan ngunyan kan Department of Social Welfare and Development sa Department of Budget and Management an marikas na pagsimbag sa pagpaluwas kan dugang na pondo na pighahagad kan DSWD.
Ini tangani na maseguro na igwa nin bastante na supplies an DSWD para sa relief operations na ihahatod sa mga apektado kan bagyo.
An pondo kan ahensya nakatalaan para sa produksyon kan family food packs, non-food items asin iba pang ayuda.
Sakop man kan saindang pondo an paghatod asin pag-mobilize kan mga relief goods orog na sa mga lokal na gobyerno na pinaka-apektado kan maraot na panahon.
Pinasalamatan man ni Sec Gatchalian an suporta kan DBM sa saindang paghihingoha na macheck an saindang mga stocks urog na sa saindang mga regional warehouses.
