Pigpuonan na an second phase kan Marksmanship Enhacement Training sa mga tauhan kan Philippine National Police Integrity Monitoringand Enforcement Group (PNP-IMEG) kan nakalihis na Hunyo 18.
Sigun ki PNP IMEG Director PBGen. Bonard Briton an live fire exercises iyo an panduwang lakdang nin marksmanship enhacement kun saen dapat na mai-apply na kan mga pulis an saindang nanudan kan magsabak sinda sa primerong phase kan nasambitan ng inisyatibo na dry fire training.
Sa paagi kaini, nilalaoman na mas mahahasa pa an mga pulis sa tama asin salbado na shooting techniques, pagkakapot nin armas, asin tamang pagasinta.
Obheto man kan nasambitan ng lakdang na masierto na an mga pulis na maresponde sa mga emerhensiya an bihasa sa paggamit kan badil asin preparadong rumesponde dawa ano man an sitwasyon.
Mientrastanto, enot nang marurumduman na natawan na nin patanid si PNP Chief PGen. Nicolas Torre III sa mga pulis na dae makakapasar sa marksmaship proficiency standards, babawian kan service firearm asin riribayan nin bolo.
Mientrastanto, inilunsar na kan Philippine National Police (PNP) Communications and Electronics Service an sarong mobile application app na aapudong PNP Services para sa mas accessible na serbisyo kan mga pulis sa publiko.
An makabagong plataporma na ini an obheto na gibuhong mas episyente asin epektibo an mga mayor na serbisyo kan mga pulis sa publiko asin mapahusay na man maski an komunikasyon sa pagultanan kan mga kahimanwa asin man man kapulisan.
Ini an parte pa man kan modernisasyon kan PNP kun saen obheto kaini na gibuhong mas moderno na an approach kan mga pulis sa mga emerhensiya kan publiko.
