AGA CITY- Nginisihan sana ni Volunteers Against Crime and Corruption (VACC) Founding Chairman Dante Jimenez an nagluwas na mga bareta manungod sa posibilidad kan pagdedeklarar nin Martial Law sa bilog na nasyon ni presidente Rodrigo Duterte.
Sa entrevista kan Bombo Radyo Naga ki Jimenez, sinaysay kaini na mga ispekulasyon sana an nasambitang mga bareta.
Haloy na suboot niyang kabistado an hepe ehekutibo kaya aram na niya an mga istilo kaini kaya dapat na dae gibuhong literal an gabos na pahayag kaini.
Tinawan doon ni Jimenez na komo sarong abogado, aram ni presidente Duterte na dae pwede an pagdedeklarar nin ley martial sa bilog na nasyon sa irarom kan konstitusyon.
Enot kaini, naghuma si presidente Duterte na madeklarar nin Martial Law sa bilog na nasyon kun mapuon suboot nin kariribukan an mga progresibong grupo.
