Pigsierto ni Land Transportation Office (LTO) chief Vigor Mendoza na mas halangkaw na ngunyan an insurance benefits kan mga lunadan sa nasyon kasunod kan pagtugot kan manlaen-laen na transport group.
Sa ika-duwang round kan public consultation sa transport group asin iba pang stakeholders, sinaysay ni Mendoza na tulos aaksyuhan kan saindang grupo an probema kan mga insurance companies an dae otorisadong pagpapabakal kan Compulsory Third Party Liability o CTPL.
Sigun ki Mendoza, ginibo an konsultasyon sa transport group komo pagtalima na man sa kasugoan ni Transportation Secretary Vince Dizon na pagayunon pa an serbisyo sa transportasyon.
Sa nasambitan ng konsultasyon, nagkasararong pigpunto kan attendees na siertuhon na babayadan an gabos kan claims asin paparekason pa an presenteng sistema.
Pigsimbagan na man soboot ngunyan kan LTO an pagpapakarhay sa encoding errors sa insurance pati na an paghahali sa participation fee.
