Nangapodan si Manila 2nd District Representative Rolando Valeriano para sa mas matinding padusa kontra ki Cavite 4th District Representative Kiko Barzaga.
Ini an huli soboot sa padagos na pagbalgar kan bagitong kongresista sa House Rule.
Sa sarong privilege speech sa House plenary session kan nakalihis na Martes, binanggit ni Rep. Valeriano an online post ni Barzaga na nag-aakusar sa mga lehislador na miyembro kan National Unity Party (NUP) na nakaresebir soboot nin suhol gikan sa negosyanteng si Enrique Razon antes an 2025 elections karibay kan pagsuporta ki dating House Speaker Martin Romualdez, bagay na inapod ni Valeriano komo sarong dakulang kautikan.
An nasambitan ng post ni Barzaga an subject kan mga reklamong cyberlibel na pigsunad ninda Valeriano House Deputy Speaker Ronaldo Puno asin Razon.
Apwera digde, tinukoy man ni Valeriano an online posts ni Barzaga na nag-aakusar ki dating congressman Romeo Acop na imbwelto soboot sa flood control anomaly.
Huli digde, nangapodan an lehislador nin pagpataw nin panibagong suspensiyon period kontra ki Barzaga na mayong allowance asin sweldo tanganing matukduan soboot nin neophyte lawmaker nin tamang adal.
Ni-refer na man kan Kamara an privilege speech ni Valeriano sa House Committee on Ethics and Privileges.
Pig-otorisa man kan kapulungan an nasambitan ng panel na magsagibo nin pagdangog sa paagi kan masusing pagsisiyasat sa nagin ugali ni Barzaga sa panahon kan saiyang suspensiyon asin pigreport an findings asin rekomendasyon sa plenaryo.
Mientrastanto, sa kampo man ni Barzaga, sinaysay kaining mapresentar ini nin ebidensiya katakod sa saiyang bribery allegation sa korte.
