NAGA CITY – Mas pinahigot ngunian kan Camarines Sur Police Provincial Office (CSPPO) an saindang monitoring sa bilog na probinsya kan Camarines Sur makalihis madiskobre an suboot flavoured shabu sa ciudad nin Naga.
Sa entrevista kan Bombo Radyo Naga ki PC/Insp. Joselito Bermas, tagapagtaram kan CSPPO, sinaysay kaini na mas pinahigot ninda ngunian an pagmonitor urog na sa transaskyon nin iligal na droga.
Sigon ki Bermas, mayo pa man suboot sindang namomonitor na report na may mga flavoured shabu nang nagwarak sa manlaenlaeng parte kan probinsya.
Ini pa sana suboot an enot na beses na may nadiskubre na arog kaining klase nin iligal na droga.
Katakod kaini, dai suboot sinda ma-untok sa pagpapaotob nin mga akdang kontra sa ilegal na droga tanganing mapugulan na an mga arog kaining klase nin tecnique na ginagamit kan mga drug personality tangani sanang maitago an saindang iligal na aktibidad.
Kun marurumduman, bulto-bultong chocolate flavoured shabu an nakumpiskar kansuodma kan mga otoridad sa harong kan maglive-in partner sa Dona Clara Village, Conception Pequena, Naga City.
