Naggadan nin siyam na katawo an marahas na mass shooting sa sarong eskwelahan sa British Columbia sa Canada kan nakalihis na Martes, Pebrero 10, local time.
Kinumpirmar kan Royal Canadian Mounted Police na siyam an biktima sa pambabadil mantang an suspek na gunman an nanutarang mayo na man buhay asin pinagtutubodang “self-inficted” an nasapong injury.
Basado sa report, pigladawan sa inisyung alert na an suspek an sarong babae na naka-dress asin kulay brown an buhok.
Anom na lawas kan mga biktima an nanutaran sa laog kan Tumbler Ridge Secondary School, duwa pa an narekober harani sa sarong residential property asin saro an binawian nin buhay mantang pigdadara sa ospital.
Kasunod kan krimen, isinarado na an Tumbler Ridge Secondary School asin Tumbler Ridge Elementary School para sa bilog na semana.
Mientrastanto, nagpaabot kan pakikidumamay sa British of Columbia premier David Eby sa pamilyang naulila kan mga biktima sa malagim na trahediya asin pigsierto an suporta para sa mga apektadong komunidad.
