Pig-ako ni Senate Presidentel Pro Tempore Jinggoy Estrada na nasa supermajority kan mga senador an matalima sa desisyon kan Korte Suprema na unconstitutional an articles of impeachment kontra ki Vice President Sara.
Sigun ki Estrada, basado ini sa ipigpapahiling na body language asin mga pahayag kan mga senador na dapat sunudon an ipinagsugo kan Kataas-taasang Hukuman.
Sigun pa sa senador, sa Agosto 6 nakatalaan an botohan kan Senado sa plenaryo kun igagalang ba o dae an desisyon kan Korte Suprema, maski dae pa nagluluwas an desisyon kan Korte sa motion for reconsideration kan Kamara.
Siring man, posible pa man soboot ipagpadagos an impeachment case kun enkaso baliktadon kan Korte Suprema an naenot kaining desisyon asin dae dagusan na ibasura an kaso kontra sa Bise Presidente.
Nanindugan man si Estrada na dae ini mapirma sa pigpapalibot na draft resolution ni Senador Kiko Pangilinan na naghahagad na liwat repasuhon kan Korte Suprema an nagin hatol kaini sa articles of impeachment kontra ki VP Sara.
Sa nasambitan ng resolusyon, apat an nagpirma: sinda Senator Risa Hontiveros, Bam Aquino, Tito Sotto, asin Kiko Pangilinan.
Paliwanag ni Estrada, maski magayon pa an pagpapaliwanag ninda, masusunod pa man soboot an Korte Suprema, apwera na sana kun magsunad nin motion for reconsideration an Kamara asin mabaliktad an desisyon, asin duman sana sinda matalima.
