Pagromdom kan ika-54 anibersaryo kan Martial Law sa Manila, sa ibong kan mga kilos-protesta, nagin “generally peaceful.”
Kinumpirma ini ni PBGen. Arnold Santiago, District Director kan Manila Police District (MPD), na nagin maayos an daloy kan mga aktibidad kan manlaen-laen na progresibong grupo.
Nagkaigwa nin halipot na tensyon sa Mendiola sa pag-ultanan kan mga pulis asin duwang estudyante, alagad tulos man ining naresolbar.
Ibinasura man tulos kan mga awtoridad an mga cellphone kan duwang estudyante na enot ninda kinumpiska.
Nagmartsa an mga progresibong grupo hale sa Liwasang Bonifacio pasiring Mendiola bandang alas-5:30 nin hapon tanganing ipagpadagos an saindang programa.
Pag-abot sa Mendiola, nagkaigwa nin negosasyon an mga lider kan grupo sa mga representante kan pulisya, na nagresulta sa pagtugot na ipagpadagos an saindang aktibidad.
Natapos an programa pagkatapos nin labi 30 minutos na mayong naiulat na darakulang kariribokan.
