Kumamada sinda Ja Morant asin rookie Cedric Coward nin tig-21 points sa paggiya sa Grizzlies sa 118-104 pagpapaluhod sa Dallas Mavericks sa NBA Cup.
Nagdugang si Jaren Jackson nin 17 points para sa Memphis (4-6) mantang igwa nin 16 markers si Santi Aldama sa pagpugol sa saindang four-game losing skid.
Pinamayuhuan ni Max Christie an Dallas (2-7) sa saiyang 18 points asin igwang 16, 14 at 12 markers sinda Naji Marshall, P.J. Washington asin No. 1 overall pick Cooper Flagg, sigun sa pagkakasunod.
Ini an ikaapat na sunod na pagkakataon na dae nagkawat si Anthony Davis para sa Mavericks huli sa saiyang left calf strain.
Pigbandera ni Grizzlies an 74-51 bentahe sa halftime pasiring sa 102-80 kalamangan sa pagtataposn kan third period tangani tapuson an saindang kamalasan.
Sa iba pang kawat, gana an Miami Heat sa Charlotte Hornets, 126-108; dinaog kan San Antonio Spurs an Phoenix Suns, 121-110; gana an Orlando Magic sa Boston Celtics, 123-110; asin dinaog man kan Cleveland Cavaliers an Washington Wizards, 148-114.
