Mayo pang urulay kun siisay an maribay sa mga nagbutas sa Independent Commission for Infrastructure (ICI), sigun ki Palace Press Officer Undersecretary Claire Castro kan nakalihis na Dominggo.
Sigun sa opisyal, may hinihiling pa na ley na pwedeng ipasa manungod sa pagkakaigwa nin independent commission.
Kan nakalihis na Biyernes, inanunsyar ni Commissioner Rossana Fajardo an saiyang pagbubutas sa ICI, epektibo sa Disyembre 31, 2025, asin man sinabi kaining natapos na kaini an obheto kan saiyang tungkulin.
Nagtutubod soboot ini na an investigative asin man prosecutorial responsibilities an ngunyan ma transition sa ibang ahensya, siring kan Department of Justice asin Office of the Ombudsman, na kun saen marhay na position tangani masiguro an paninimbagan para sa mga contractors asin government officials, dagdag pa ni Fajardo.
Kan nakalihis na bulan, nagbutas man si dating DPWH Secretary Rogelio “Babes” Singson gikan sa ICI huli sa salud asin man seguridad.
Pig-inkaminar ni Presidente Ferdinand Marcos Jr. an Kongreso na inuton an pagpasa sa proposed Independent People’s Commission (IPC) Act, na obhetong magtatag nin permanenteng, independent, asin non-partisan commission tangani na imbestigaran an anomalya asin korapsyon sa mga infrastructure projects sa pambansa, lokal, asin government-owned corporations.
Sigun pa ki Castro, an kamawotan soboot kan Presidente na magin pakarhay an ley asin maipasa. An habo kan Presidente iyo na magkaigwa nin sapawan kan jurisdiction an.Ombudsman, DOJ asin an mga gigibuhong gagawing independent commission.
Dugang pa kaini, posibleng magdoble an trabaho kan IPC sa Office of the Ombudsman asin DOJ, huli ta parehong iimbestigaran an iba pang infrastructure projects.
