Sinaysay ni Vice President Sara Duterte na mayong nahiling na “overpriced” na closed-circuit television (CCTV) units sa report kan Commission on Audit sa saiyang opisina para sa taong 2024.
Kun nahiling soboot sa statement kan Office of the Vice President, pinublish na an report kan Commission on Audit asin mayo sindang findings kan ano man na wrongdoing sa Office of the Vice President sigun pa ki Duterte sa sarong ambush interview sa The Hague kan Biyernes, Disyembre 5.
Tinukoy kan COA sa financial statements para sa OVP na an dugang na pagbakal kan opisina kan taong 2024 kan pitong unit kan CCTV systems na nagkakantidad nin P1.48 milyon o nasa P212,000 kada saro.
Sigun sa OVP, an mga ini an para sa mga satellite, extension offices, asin Libreng Sakay buses na inirekomenda soboot kan saiyang security team asin parte kan seguridad kan mga assets na iyong required kan COA. Gabos nag agi sa proper modes of procurement, asin mayo nin COA findings.
Tinukoy man ni Duterte an unqualified opinion kan COA. Kaya man kaipuhan soboot kaining pasalamatan an mga pag iriba sa Office of the Vice President huli an mga ini talaga an naggigibo kan gabos na paperwork, gabos na trabaho sa mga sugo kaini, mga legwork, trabaho kan mga personnel kan Office of the Vice President, sigun pa ki Duterte.
Nagpasalamat man si Duterte sa mga Filipino sa pagbisto sa saiyang trabaho asin sa OVP. Susog sa COA, an unmodified opinion an sarong opinyon na iniluluwas kun sinaysay kan COA na an financial statements an naipreparar sa gabos kan material respects, sigun sa nararapat na financial reporting framework.
Sa ibong man kaini, an unmodified o unqualified opinion dae man bout sabihon na mayo nin misstatements na nakua sa nagin audit asin mayong uncorrected misstatements sa nasambitan ng year-end.
Posible kaya na an mga misstatements na nakua sa audit an naitama na kan audited agency o kaya man an mga uncorrected misstatements an bakong material, quantitatively asin qualitatively, susog pa sa COA.
Dugang pa digde, dae nangangahulugan na an na-audit kan ahensya an ganap na nagsusunod sa gabos kan mga ley, panundon, asin regulasyon na an paggamit kan pondo sa mga programa, proyekto, asin gibuhon kan ahensya an makatwiran, epektibo, o mahusay.
