NAGA CITY- Mayong naireport na Pinoy an na lugadan sa pagrasay kan edificio sa central Jeddah kan Biyernes, Mayo 31 sigun sa Department of Migrant Workers (DMW), sa paagi kan Migrant Workers’ Office kaini sa Jeddah, Saudi Arabia (MWO-Jeddah).
Pigreport kan Migrant Workers’ Office-Jeddah ki Migrant Workers Secretary Hans Leo J. Cacdac na binisita ninda an pinangyarihan kan insidente asin pirang kataraid na ospital tanganing maaraman kun igwa nin dinarang Pinoy tanganging bulong.
Sa local media reports, pigreport na walong katao an pigsalbar gikan sa nagrasay na israktura.
Pigsierto kan Migrant Workers’ Office-Jeddah na padagos nindang susubaybayan an sitwasyon asin pirme sindang makikipagkoordinar sa Jeddah police, medical asin emergency services agencies tanganing masierto na salbado an mga Pinoy digdi.
Matao man nin update an Migrant Workers’ Office-Jeddah sa DMW Central Office kun kinakaipohan.
