Ipinagsugo ni Manila Mayor Francisco “Isko Moreno” Domagoso sa Manila Police District (MPD) an mahigot na pagpapautob kan curfew para sa mga menor de edad makalihis an marahas na hiro protesta kasuodma, Setyembre 21.
Sigun sa Manila Public Information Office (PIO), liwat pighurot ni Domagoso an bisa kan Executive Order No. 2, Series of 2025, na nagbabawal sa mga menor de edad na edad 17 pababa na magluwas sa pag-ultanan nin alas-10 nin banggi hasta alas-4 nin aga.
Obheto kan kasuguan na mamantinir an katoninongan asin masierton salbado an kajovenan, orog na tuyong igwang dakulang pagtiripon o hiro-protesta.
An kasuguan an kasunod kan kadahasang kinaiimbweltuhan kan mga kajovenang naka-maskara asin igwang sulot na balaclava sa Ayala Bridge asin Mendiola, kun saen nagkapirang pulis asin sarong mamamahayag an nakulogan makalihis paggagapuon an mga ini kan mga raliyista.
Katakod kaini sa Mendiola, naggamit man an pulisya nin water cannon asin long-range acoustic device tanganing pakalmahon an mga marahas na demonstrasyon na naggagapo nin gapo, pasang bote asin paputok.
