Pigpirmahan na ni Mayor Francisco ‘Isko’ Moreno Domagoso sa siyudad kan Manila an sarong ordinansa na iyong nanggawad nin ‘general tax amnesty’ sa bilog na kabisera kan nasyon.
Huli kaini, mayo ng sisinigilon o ipapataw na penalty, surcharges, asin interes sa mga dae pa nababayadang city taxes, fees asin regulatory charges hasta sa maabot na December 31, 2025.
Sakop sa pigdeklarang ‘tax amnesty program’ an gabos kan anumang klase kan unpaid’ business taxes, delinquent real property taxes, ordinance violation receipt (OVRs), regulatory and service fees asin local transfer taxes sa Maynila.
Sigun ki Mayor Isko Domagoso, ini an tanganing makapagtao nin tabang o asistensiya sa saiyang mga nasasakupan na sakit ngunyan an estado kan buhay huli sa maluyang negosyo.
Alagad enkaso matapos na an pigtalaang ‘amnesty period’, an City Treasurer soboot pwedeng mag-resume na sa saindang public auctions asin iba pang civil remedies sa mga unsettled tax delinquencies.
Huli digde, makakalaom soboot an mga taga-Manila na gigibuhon kan gobyerno an gabos, magampanan sana an obligasyon kaini.
