NAGA CITY- Positibo an alkalde kan Naga City na matatapos na an clearing ops sa mga masurunod na aldaw.
Sa nagin paghampang sa mga kagawad kan media ni Naga City Mayor Nelson Legacion, sinaysay kaini na posible soboot na matatapos na an pagkolektar kan mga basura sa enterong siyudad na dara pa kan Bagyong Kristine sa aga o sa aldaw nin Miyerkules.
Katakod kaini, padagos man paglilinig aldaw hasta bangi tanganing mautob an kamawotan na maibwelta na sa dati an sitwasyon sa siyudad.
Sigun sa alkalde, an dakulang huma na saindang kinakahampang iyo an mga basura na yaon sa Naga River kun kaya hagad ninda an pakikipagtabangan kan gabos sa pagmantinir kan kalinigan sa Naga City.
Mientrastanto, igwa man soboot mga report na nakukua an saindang lado na igwang nag-aapon nin basura gikan sa ibang lugar, alagad ini an padagos pang pigkukumpirmar hasta sa presente.
Sa ngunyan, kamawotan kan opisyal na ma-normalize an paghakot kan basura tanganing malikayan an pagtambak kaini sa iba pang areas sa siyudad.
