ipinagsugo kan mga hukom kan International Criminal Court (ICC) an espesyal na medical accomodation para ki dating Presidente Rodrigo Duterte sa apat na aldaw na confirmation of charges hearing sa Pebrero 23,24, 26 asin 27, 2026.
Sigun sa kasuguan kan Pre-Trial Chamber I, lilimitaran sa tolong oras lambang aldaw an pagdangog asin magkakaigwa nin oras-oras na pahingalo tanganing bawasan an pisikal na kapagalan kan dating Presidente, basado sa rekomendasyon kan mga doktor kan ICC Detention Centre.
Pigtawan-duon kan mga hukom an prinsipyo kan katarungan asin pagkakapantay-pantay kan lambang kampo, kaya mas halabang oras an pigtagama sa depensa.
An depensa an tatawan nin 3 oras asin 30 minutong presentasyon, kumparar sa 2 oras asin 30 minuto para sa prosekusyon, mantang an representantes kan mga biktima an igwang 1 oras asin 30 minuto.
Gabos kan kampo an igwang tig-30 minutong opening asin closing statements. Isasabay man kan ICC an taunang pagdangog sa pagsusuri kan detensiyon ni Duterte sa huring sesyon kan Pebrero 27, kun saen masumiter nin oras arguments an prosekusyon, mga biktima, asin depensa.
Alagad sigun sa ICC, pwede pang baguhon an schedule depende sa dalagan kan pagdangog asin pwedeng magpuon tulos an masunod na presentasyon kun igwang matatapos nin mas amay.
