NAGA CITY- Mahihiling an presensiya kan mga medical support team sa mga aktibidad na ikukundusir para sa Peñafrancia Festival ngunyan na taon.
Sa nagin patara-tara ni Dr. Ronald Amorante, pamayo kan City Health Office, sinaysay kaini na igwang naka-standy na mga ambulansiya na mapakol sa 30 kabali na an water ambulance na mabali sa task group para sa isasagibong Fluvial procession.
An nasambitan ng ambulansiya kaibahan man an mga medical support team tanganing tolos na makapagtao nin serbisyo sa mga mangangaipuhan kaini.
Kabali soboot sa saindang deployment iyo an Penafrancia church pasiring sa Cathedral orog na ta kadakol na tawo an pig-aanteseparan na matiripon digde.
Mientrastanto, pig-ako man ni Amorante na medyo nanibago sinda ngunyan na taong 2025 huli sa pag-iba kan ruta orog na ta pigkokonstruher man an Plaza.
Garo soboot kaya nag-ikot sana asin maagi sa hampang kan Quince Martirez kun saen ginigibo na an stage.
Katakod digde, saro sa saindang pighihigotan an mga ground forces orog ta na piglalaoman an mas kadakol na deboto an mapasiring sa Naga City ngunyan na taon.
Sa ngunyan, pigsierto na sana ni Amorante na yaon an saindang bilog na team tanganing magresponde sa anuman na klase kan emerhensiya sa panahon kan kasiributan.
