NAGA CITY – Dae napugulan kan sarong Pinoy na mahandal para sa mga kapwa Pilipino na nagtitinir sa Hongkong.
Ini katakod kan nangyayaring mahewasang hiro protesta sa lugar huli sa propwestong Extradition Bill.
Sa report ni Bombo International Correspondent Ricky Rueda Sadiosa, head kan OFW Hong Kong Power Club, sinaysay kaini na kadalasan tuyong nag-aabot an aldaw nin Domingo, nagtitiripon an mga OFWs sa central area kunsaen pano ngunian nin mga raliyista.
Sigon ki Sadiosa, dawa mayo na nin byahe pasiring sa lugar alagad dae niya nalilikayang mahandal na tibaad igwa man giraray nin mga kababayan na magkusog boot na magbisita sa lugar.
Sigon sa saiya, yaon mismo siya sa lugar kan nakaaging aldaw nganeng magkua nin documentation sa mga kaganapan kung kaya nahiling niya mismo an pagigin tensyonado asin agresibo na kan mga pangyayari.
Alagad nilinaw man ni Sadiosa na dawa aminado ining nahahandal sa nasambitan ng bill alagad dae man siya nakikisawsaw sa nasambitan ng hiro protesta.
