Desedido na si Miss International 1979, at aktres Melanie Marquez na mag-file nin divorce sa saiyang American husband na si Adam “Randy” Lawyer, makalihis soboot na gibuhon sa saiya an sunud-sunod na pisikal, emosyonal, asin pinansiyal na pang-aabuso sa laog kan labi sa duwang dekada.
Sa sarong entrevista, pigheras ni Melanie an pirang insidente kan soboot kadahasan na ginagibo kan saiyang agom sa saiya, kabali na an pagsuntok sa saiya asin pagtutok kan badil sa saiyang lalawgon.
Dugang pa kaini, pigtaraman ini asin pinasakitan sa mental asin financial na aspeto. Sinaysay man kan beauty queen na nagsumiter na ini nin surat sa Bureau of Immigration tangani na ikanselar an visa kan agom asin man i-blacklist ini sa nasyon.
Sa saiya pang storya, nagirumduman kaini soboot na sa primerong taon kan saindang kasal, pinirit ini kan saiyang mister na magtrabaho sa sarong farm sa Utah, na nagin kawsa kan pagkagadan kan saiyang pigdadara na sanggol.
Kabali sa mga insidenteng inilahad kaini kan nakalihis na taong 2022 na soboot tinutukan ini nin badil asin sinuntok sa talinga mantang nagtuturog, na nagkawsa nin epekto sa saiyang pandangog.
Mantang kan taong 2025 man soboot nautro an pangungulog kan suntukon ini sa daghan mantang nasa lunadan, na nagresulta nin bali sa saiyang tadyang. Dae naghaloy, nag-file ini nin protection order makalaihis na maghali sa saidnang harong.
Nahapot man si Melanie kun tano nahaloy ining dae magtaram, ini huli kaya sa saiyang pamilya, alaagd ngunyan dae na soboot kaini kaya pang palampason. Kinumpirmar man kaini na dagos an divorce, asin kamawotan kaini an katrangkiluhan kang isip. Magin maogma asin magtindog liwat.
