NAGA CITY- Nasa kustudiya na ngunian kan mga otoridad an driver kan van na nakaligis sa sarong menor de edad sa kalabaan kan tinamposa Brgy. Salvacion Poblacion, Tinambac, Camarines Sur.
Sa nagunong impormasyon kan Bombo Radyo Naga napag araman na binabagtas kan van na minamaneho ni Edmundo Clerigo, 45 anyos an kalabaan kan tinamposa nasambitan ng lugar kan aksidente kaining maligis an papabalyong menor de edad.
Huli digdi, nagsapo nin malalang lugad sa saiyang lawas an biktima na tulos man idinalagan sa ospital alagad ideneklarar ining dead on arrival kan mga doktor.
Sa ngunian, nasa kustudiya na kan mga otoridad an driver kan van mantang pinepreparar na man an kasong isusunad kontra digdi.
