Nakabalik na sa saiyang mga magurang an 6 anyos na aking naireport na nawawara magpoon pa kan Mayo 2, 2026 sa banwaan nin Minalabac, Camarines Sur.
Sa intrevista kan Bombo Radyo Naga ki PCPT. Beverly Monte, an Acting Chief of Police kan Minalabac Municipal Police Station, dai nag-untok an pulisya sa search and rescue operation tanganing mahanap sana an nawawarang aki.
Haros masarong semana an ginibong paghahanap kan pulisya katabang an iba pang ahensya kan Gobyerno. Kasuudma, Mayo 7, 2026, mantang alas -5 nin aga mantang napoon pa sana sa liwat na paghanap an mga otoridad kan masabat na kan mga ini an duwang gurang na nagkupkop sa aki asin nakapuli nin ligtas an menor de edad.
Segun sa imbestigasyon kan mga otoridad, nalagalag an aki sa kabukidan rason kan pagkawara kaini. An aki taga Marikina asin nagbakasyon sana sa Minalabac kun kaya dai kaini toom an lugar hasta sa naabot kaini an lugar kan duwang senior citizens na iyo an nagmakulog na kupkupon an aki asin ihatud inisa hepatura kan pulisya.
Labi an pagpapasalamat kan opisyal sa gabos na nakisumaro, nagtabang, nagheras nin impormasyon asin nagtao nin suporta sa matrayumpong pagrescue sa aking nawara nin pirang aldaw.
