NAGA CITY– Nilugusan muna antes na ginadan kan dai pa nabibistong suspek an sarong Grade 7 student sa Sitio Gati, Bgy Tinawagan, Tigaon, Camarines Sur.
Ini an nagin pahayag ni PO2 Maricel Adayo kan Tigaon PNP sa naging entrevista kan Bombo Radyo Naga.
Sigon ki Adayo, basado sa saindang inisyal na imbestigasyon, naglalakaw suboot papuli sa saindang harong an 15-anyos na biktima kan bigla ining mawara sa paghiling kan sinusundang tugang alagad dai na man ini pinansin sa pag hunang naenot nang nakapuli sa saindang harong.
Makalihis an nagkakapirang oras na paghalat, nagpuon na suboot maghanap an pamilya kan biktima makalihis na dai na ini makapuli.
Ngaluluwas na pag abot sa madiklom na lugar, binutong kan dai pa nabibistong suspek an daragita pasiring sa tanuman kan batag asin duman na piglugusan.
Dai pa nakontento an salarin, tinilok pa kaini an biktima hasta sa magadan.
Sigon ki Adayo, mayo nang buhay kan mahanap an biktima mantang mayo na suboot sulot na underwear asin pakit na man an sulot na bado.
Sa ngunian, igwa na man suboot ‘persons of interes’ an mga otoridad alagad padagos pa man an paghahanap kan posibleng ‘witness’ sa nasambitan ng pangyayari.
