Nagtalikod na sa kinaban sa edad na 48-anyos an saro sa mga lead vocalist kan bandang Aegis na si Mercy Sunot makalihis makipaglaban sa helang na breast asin lung cancer.
Pigkumpirmar ini kan bandang Aegis sa saindang social media post. Pigpasalamatan kaini si Sunot huli sa naiambag sa musikang Pilipino.
Nakidumamay man an mga kaibahan kaini sa musika sa saiyang pagkagadan.
Antes bawian nin buhay naiheras pa ni Sunot sa social media an saiyang laban sa helang na cancer kun saen kasuarin sana man an nagsairarom ini sa operasyon.
Marurumduman na pinasikat kan grupong Aegis kaiba si Sunot an mga kantang ‘Luha’, ‘Halik’, asin ‘Basang-basa sa ulan’ kan nakalihis na 90’s na hasta ngunyan an padagos na pigtatangkilik kan lambang Pilipino.
