Piglalaoman na saro sa mga mangyayaring projects ngunyan na taong 2025 kan Metropolitan Naga Water District iyo man an water treatment plan.
Sigun ki Jesus “Choppy” Dela Cruz, Spokesperson kan Metropolitan Naga Water District, an magigin source soboot kaini an makukuang tubig gikan sa nagkapirang dam sa Naga City na ngunyan an pinag-aadalan na.
Katakod kaini, pigtawan duon ni Dela Cruz na an proseso asin pag-aadal sa proyektong ini an pig-aapod na volume metric huli ta nakipag-koordinar na sinda sa National Irrigation Administration Bicol tanganing matugutan na makakua nin labing tubig sa nagkapirang mga dam na pag-sasadiri kaini.
Kabali sa mga dam na ini kan NIA iyo an Penafrancia asin Balatas na kakadikit sana an mga paraoma kun kaya kadakol na tubig sa lugar an mapapakinabangan sa pagbilog kan water treatment plan.
Sa ngunyan, pigsierto na sana kan opisyal na padagos an pigsasagibong mga lakdang kan Metropolitan Naga Water District tanganing mapamarhay an serbisyo sa saindang mga konsumedores.
