NAGA CITY- Nagtitinir na alertado an mga barangay opisyales kan banwaan nin Pasacao katakod kan pag andam sa bagyong Pepito.
Sa nagin entrevista kan Bombo Radyo Naga ki Arnel Factor Ama, Brgy Kagawad, Balogo Pasacao, pigsaysay kaini na sa huring monitor subagong aga, kalmado pa man an kadagatan kan nasambitan ng banwaan.
Nakapag rehistro naman nin labi sa 100 na evacuees sa huring update gikan sa mga BHW.
An mga evacuees pigbibilog kan mga indibidwal na prone sa landslide asin baha.
Igwa man soboot nagkapira na nagpapawalat tanganing mag mantinir kan mga lambang harong algad mahigot ninda man na pig-abisuhan na enkaso nahihiling nang pakusog na an raot nin panahon, mag ebakwar na tulos asin dae na pag isipon an mga properties imbes isipon an mga buhay huli sa delikadong maray orog na sa mga landslide area.
Segun pa man sa opisyal, an mayor na prayoridad ninda iyo an pag preparar sa mga evacuees siring kan paghiras nin pagkakan sa mga ini.
Mahigot an pangapudan kan opisyal sa gabos na residentes na mag sunod pirme asin magin responsableng residente tanganing malikayan an anuman na maraot na insidenteng pwedeng mangyari.
Mientrastanto, pigsaysay pa man ni Ama na bukas soboot an saindang barangay o mga evaacuation centers sa mga mawot na mahiras nin tabang orog na an pagkakan kan mga nasambitan ng nag ebakwar.
